Mabombami Ya Papa Kimbangu

Kobanda mobu 2010 nde nabandaki kozua mateya oyo ya Papa Kimbangu.

Na tango wana nazalaki kondima maloba oyo te, lokola ngaï nazali kimbanguiste te. Nazalaki pe kotia makanisi na ngaï mingi mingi na mateya yango te. Kasi mateya oyo etikaki ngaï te, ezalaki kaka koyela ngaï tango inso. Kasi nazalaki kaka ko kipe yango te. Yango pe etikaki ngaï kimia te, ezalaki ekoyela ngaï kaka. Na suka, nalobaki malamu nabanda kokomaka yango ndambo ndambo ndenge yango ezali koyela ngaï.

Na mokuse, kobanda mobu 2010 eyelaka ngaï, nabandaki kokoma yango kaka na mobu 2014. Nde nazalaki sikoyo kokoma yango malembe malembe po ezalaki koya kaka ndenge ezalaki wuta ebandeli. Nalingaki na banda kokoma yango na lopoto, kasi mateya elimboli ngaï ete, nakoma yango na lokota na biso ya Kongo. Na yango buku oyo tokomi yango yambo na lingala, kasi tokoki pe kokoma yango na balokota nionso ya Kongo. Epekisameli biso tokoma yango na lokota ya bapaya. Soki mopaya alingi atanga yango, ye asengeli ayekola lokota ya Kongo, kasi biso tosengeli nako koma buku oyo na lokota ya bapaya te.

Atako nazali kimbanguiste te, kasi Papa Kimbangu apesaki ngaï maloba oyo nakomi yango na buku eye pona koyebisa bana na ye ya Kongo.